Motori më i madh në botë, 40 ton dhe 10 metra i lartë

 Një përbindësh i vërtetë është konsideruar motori më i madh në botë, i shpikur së fundmi në Itali, i cili tenton të marrë edhe çmimin e madh Guinness.

Kjo pasi, prodhuesit e tij pretendojnë që të kenë kapur rekorde lidhur me përmasat e tij, ku lartësia e tij është plot 10 metra, ndërsa pesha 40 tonë.

Gjithçka, “Made in Italy”, me prodhues Fabio Reggianin.

Atij i janë dashur mëse 4-5 muaj që të punojë për përpunimin e një gjiganti të tillë, që i ka lënë pa fjalë fotoreporterët, ndërsa janë përballur me të.

Për gomat pneumatike të tij, mësohet se janë zgjedhur makineri specifike, ku vetëm njëra peshon 1.200 kg, ka një diametër prej 2.26 metrash dhe një gjerësi prej 1 metër.

Ndërkaq, pjesa ku ulet drejtuesi i tij, është sa një krevat dopio i gjerë, ku mund të ulen disa persona.