SHBA nuk lejon shoferët të përdorin Facebook

 Në Shtetet e Bashkuara të Amerikës mund të merret një vendim ku të parashikohet ndalimi i Facebook-ut gjatë udhëtimit për shoferët. Gjithashtu pritet që tu kërkohet prodhuesve të makinave që të mos instalohen pajisje për tu lidhur me rrjetin social pasi një gjë e tillë mund të bëhet shkak për aksidente.

Kërkesa e departamentit amerikan është që pajisjet të cilat mundësojnë lidhje me rrjetet sociale të mos funksionojnë ndërsa një makinë është duke lëvizur.

Sekretari amerikan i transportit Ray LaHood ka kërkuar nga prodhuesit e makinave që të ri-dizajnojnë pajisjet që aktualisht lejojnë shoferët për të hyrë në rrjetet sociale, sepse kjo krijon shpërqendrim.